Хэнтий аймгаас сонгогдсон УИХ-ын гишүүдийн санаачилга, Боловсрол шинжлэх ухааны сайд Л.Энх-Амгалангийн дэмжлэгээр БҮТ-өөс оношлох үнэлгээний 5, 9, 12 ангийн монгол хэл, математикийн хичээлийн үр дүнг танилцуулах, хоцрогдолтой агуулгыг сайжруулах, арга зүйн шинэ санаа боловсруулах, ЭЕШ-ын хичээлийн үр дүнд шинжилгээ хийх зорилго бүхий “Суурь судалгааны үр дүнд суралцагчийн сурлагын амжилтыг дэмжих сургалт”-ыг Хэнтий аймагт 2022 оны 03-р сарын 04,05-ны өдрүүдэд зохион байгуулж байна. Сургалтад тус аймгийн боловсролын газрын мэргэжилтнүүд, ерөнхий боловсролын сургуулийн 200 гаруй багш, мэргэжилтнүүд хамрагдаж байна.
Сургалтын үйл ажиллагаанд УИХ-ын гишүүн Ц.Идэрбат, Боловсролын үнэлгээний төвийн дарга Л.Ганбат, Хэнтий аймгийн ЗДТГ-ын Нийгмийн бодлогын хэлтсийн дарга Д.Өнөрцэцэг, БШУГ-ын дарга С.Мөнхцэцэг, МУИС-ийн Физикийн багш, профессор М.Ганбат, “Гурван-Эрдэнэ” багшийн дээд сургуулийн багш, Клиник профессор О.Бямбаа нарын албаныхан, нийслэлийн 1, 11, 84, 115 дугаар сургууль, “Шинэ үе”, “Шинэ Монгол” сургуулийн багш нар оролцож байна.
Түүнчлэн боловсролын салбарын цахим шилжилтийн хүрээнд Боловсролын үнэлгээний төв нь Боловсролын мэдээллийн технологийн төв, Мэксим консалтинг компанитай хамтран student.medle.mn цахим шалгалтын системийг ашиглан ЭЕШ-ын 10 хичээлийн жишиг даалгавраар “Таблет”-д суурилсан турших шалгалтыг Хэнтий аймагт 2022 оны 03-р сарын 04-ний өдөр амжилттай зохион байгууллаа. Шалгалтад тус аймгийн ерөнхий боловсролын сургуулийн 12 дугаар ангийн 141 сурагчид оролцлоо.
