Чанартай боловсрол Бидний ирээдүй

  • Аудио унших
  • eec.mnENG
Утас

Утас

7011 9498
ЭЕШ лавлах

ЭЕШ лавлах

7577 9498
И-мэйл

И-мэйл

info@eec.mn

УИХ-ЫН ГИШҮҮН, БШУ-НЫ САЙД Л. ЭНХ-АМГАЛАН БОЛОВСРОЛЫН ҮНЭЛГЭЭНИЙ ТӨВИЙН ҮЙЛ АЖИЛЛАГААТАЙ ЦАХИМААР ТАНИЛЦЛАА

eec.mn2021-04-30

БШУ-ны сайд Л. Энх-Амгалан 2021 оны 04 сарын 26-ны өдөр БҮТ-ийн үйл ажиллагаа, хэтийн төлөв, тулгамдсан асуудалтай танилцах цахим уулзалт зохион байгууллаа. Цахим уулзалтад БШУЯ-ны газар, хэлтсийн дарга нар, бага, дунд боловсролын газрын мэргэжилтнүүд болон БШУЯ-ны харьяа байгууллагуудын удирдлагууд оролцлоо.
Уулзалтаар БШУ-ны сайд Л. Энх-Амгалан үр дүнд суурилсан үнэлгээний тогтолцоог боловсролын системд нэвтрүүлэх чиглэлийн хүрээнд дараах асуудлуудыг анхаарч ажиллах чиглэл өглөө. Үүнд:
❖ 2021 оны Элсэлтийн ерөнхий шалгалтын зохион байгуулалт болон цаашид хийж хэрэгжүүлэх ажлууд (ЭЕШ-ыг жилд 2 удаа зохион байгуулах, даалгаврын сангийн хөгжүүлэлт, ЭЕШ-ыг онлайнаар авах боломж зэрэг)
❖ Үр дүнд суурилсан үнэлгээний тогтолцоог бэхжүүлэх чиглэлээр ухаалаг тайлангийн (BI)-ийн системийг нэвтрүүлэх, хөгжүүлэх
❖ ЕБС-ийн ахлах ангийн суралцагчдад ажил мэргэжлийн чиг баримжаа олгох системийг нэвтрүүлэх, хөгжүүлэх
❖ Монгол хэл бичгийн үндэсний шалгалтын тогтолцоог бүрдүүлэх
❖ Англи хэлний хэрэглээ, ач холбогдлыг нэмэгдүүлэх, ЭЕШ-ын хичээл сонголтод англи хэлний ОУ-ын шалгалтыг оруулах боломж
❖ Боловсролын үнэлгээний төвийн дэргэд ОУ-ын шалгалтын төв байгуулах эрх авах боломжийн талаар судлах
❖ БШУЯ-ны харьяа байгууллагуудын бүтэц орон тоог оновчтой тодорхойлох замаар үйл ажиллагааны уялдаа холбоо, хамтын ажиллагааг нэмэгдүүлэх эрх зүйн орчинг сайжруулах, тодорхой болгох талаар ажлын хэсэг байгуулах
❖ Боловсролын үнэлгээний төвийн байрны асуудал болон мэргэжилтнүүдийн ажиллах орчин нөхцөлийг сайжруулах зэрэг олон чиглэлээр ярилцаж үүрэг даалгавар өглөө.